Jun 21, 2018

Polemonium carneum - Aronsstigi

3 comments

 

Aronsstigi er að mínu mati ein fallegasta tegund ættkvíslarinnar. Hann er ekki eins beinvaxinn og jakobsstigi, heldur verður þéttur brúskur um 30-40 cm á hæð sem verður algjörlega þakinn blómum. Þau eru kremgul þegar þau springa út, en roðna með aldrinum og verða fölbleik. Þau eru heldur stærri en á jakobsstiga. Nokkuð harðgerður og gerir engar sérstakar kröfur, vex í allri góðri garðmold í sól eða hálfskugga. Því miður tapaði ég mínum í flutningnum, hann hefur orðið undir í samkeppninni við skriðsóleyna.

Jun 21, 2018

Þessi er æðislega fallegur.

Algjört djásn - sá að það er til fræ af honum hjá Jelitto, er að hugsa um að panta í haust :) Þarf nauðsynlega að eignast hann aftur.

Jun 22, 2018

'O já skil það vel að þú verðir að eignast hann aftur. Ég væri meira en til í að eignast hann. Frábært að það sé til fræ hjá Jelitto.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star ' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon