Oct 27, 2018

Primula 'Wharfedale Hybrids'

0 comments

 

Ég ræktaði þessar plöntur af fræi merktu 'Wharfedale Village'. Það yrki er með silfurgráu laufi og hvítum blómum. Plönturnar sem ég fékk voru hvítar, bleikar með hvítri miðju og ein fjólublá með hvítri miðju sem drapst. Þær sem lifa úti í beði eru bleikar með hvítri miðju og líkjast mjög öðru Wharfedale yrki 'Wharfedale Ling'. Ég ákvað því að kalla þessar plöntur 'Wharfedale hybrids' því þær eru greinilega af einhverju 'Wharfedale' kyni. Mér hefur gengið illa að finna út af hvaða kyni þessi yrki eru, en mér sýnist að það sé eitthvað af P. allionii í þeim, en þó eru plönturnar sem ég fékk harðgerðari. Þær þurfa þó mjög gott frárennsli og sól til að þrífast vel.

 

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star ' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon