Oct 24, 2018

Primula x polyantha 'Arctic Mix' - Ljómalykill

0 comments

 

Ljómalykill 'Arctic Mix' er fræblanda frá Thompson & Morgan í blönduðum litum sem á að vera harðgerðari en ljómalykill almennt er. Það stemmdi alveg, ég fékk nokkrar plöntur, bleikar, gular og rauðar og allavega þrjár lifðu fyrsta veturinn og tvær lengur. Myndin er tekin 2012 af þeirri sem náði mestri grósku, en hún tapaðist því miður í flutningnum. Enda þarf mjög góð skilyrði til að plönturnar geti lifað úti, næringarríkan jarðveg, gott frárennsli og sól.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star ' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon