Nov 7, 2018

Saxifraga hypnoides - Mosasteinbrjótur

0 comments

Edited: Nov 8, 2018

 

Mosasteinbrjótur er innlend tegund sem er nokkuð útbreidd víða um land. Hann er harðgerður og þrífst ljómandi vel neðst í brekkunni hjá mér þar sem hann vex m.a. með annarri innlendri tegund, tófugrasi. Eins og aðrir steinbrjótar vill hann frekar rakan jarðveg en þó vel framræstan. Hann þolir vel skugga part úr degi. Ég fann þessa plöntu við Djúpavatn á Reykjanesi og ákvað að prófa hana sem garðplöntu. Finnst hún bara nokkuð snotur.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star ' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon