Nov 5, 2018

Saxifraga x arendsii 'Mossy Mixed' - Roðasteinbrjótur

1 comment

 

Roðasteinbrjótur er hópur blendinga af ýmsum tegundum og eru fjölmörg yrki í ræktun. 'Mossy Mixed' er fræblanda sem mig minnir að ég hafi keypt frá Johnsons seeds fyrir mörgum árum síðan. Ég fékk nokkrar plöntur, en var eitthvað sein að dreifplanta svo þær uxu allar saman og ég fékk breiðu af plöntum í tveimur litum, fölbleikum og dökkbleikum. Ég flutti anga af báðum litum með mér - enn samföstum í einni bendu og gróðursetti neðst í brekkuna. Þar kunna þeir vel við sig, en roðasteinbrjótur þolir illa þurrk og vill hafa jafnan jarðraka en þó gott frárennsli. Hann hefur því virkilega blómstrað á nýja staðnum og hefur sáð sér lítillega. Ég gróðursetti þrjár sjálfsánar plöntur ofar í brekunni og þær stækkuðu mjög hratt og hafa allar blómstrað. Þær eru allar í bleikum litatónum á milli þessara upphaflegu, mjög fallegir. Myndin er af einum af þessum sjálfsánu.

 

Upphaflega bendan.

 

Eftir flutning.

Þessi fölbleiki blómstrar aðeins fyrr en sá dökkbleiki - það sést í dökka knúppa inn á milli.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon