Nov 29, 2018

Sedum kamtschaticum - Stjörnuhnoðri

4 comments

 

Stjörnuhnoðri er lágvaxin tegund sem blómstrar gulum blómum í ágúst. Ég fékk þessa plöntu frá Möggu. Hún hefur blómstrað tvö sumur í röð og virðist vera ágætlega harðgerð. Hún kom a.m.k. vel undan síðasta vetri, sem var alveg sérlega erfiður.

Dec 1, 2018

Ég er nu ekki alveg viss um hvar stjörnuhnoðrinn minn er niðurkominn. Held þó að hann sé í langa rósabeðinu fyrir austan. Ég er annars mjög dugleg að týna plöntum.. gott að þú heldur við stofninum Rannveig

Dec 2, 2018

Held þetta sé sá sami en hef glatað nafninu á honum. Mjög fallegur.

Ekki síður fallegur þegar blómgun er að ljúka.

 

Dec 2, 2018

Stjörnuhnoðrinn þinn er mjög fallegur Guðrún.

New Posts
  • Mjög fallegt afbrigði af garðavatnsbera með gulum blómum með löngum útsveigðum sporum. Hann hefur reynst mjög blómsæll og stendur lengi í blóma. Því miður hef ég ekkert yrkisnafn. Planta frá Möggu.
  • Þetta er sjálfsáður blendingur sem birtist í garðinum mínum, sem er greinilega afkomandi skógarvatnsbera afbrigðisins 'Magpie'. Blómliturinn er sá sami, en blómin eru stærri, jafn stór og á garðavatnsberum, svo hitt foreldrið er líklega af þeim meiði. Sporarnir eru innsveigðir eins og á skógarvatnsbera. Mér finnst þessi fallegri en frumgerðin og hann er jafn harðgerður og aðrir vatnsberar.
  • 'Crimson Star ' er fallegt garðaafbrigði með rauðum og kremhvítum blómum, með löngum sporum. Ég keypti þennan í pakka frá Costco 2018 og hann blómstraði í fyrsta sinn núna í sumar. Vatnsberar eru nokkuð skuggþolnir, en þeir þrífast og blómstra betur í sól eða hálfskugga. Einu jarðvegskröfurnar eru að jarðvegurinn sé vel framræstur, en betra er að hann sé frekar frjór líka. Mér fannst vissara að bjóða svona fínni sort upp á bestu skilyrði svo hann lifi nú sem lengst.

gardaflora@gardaflora.is    I     © 2015-2019  Garðaflóra.

  • Facebook App Icon