Lundaþulur, Lundakambur
![](https://static.wixstatic.com/media/a27d24_aa9f8324ea394354913af991372ac9b0~mv2.jpg/v1/fill/w_147,h_110,al_c,q_80,usm_0.66_1.00_0.01,blur_2,enc_auto/a27d24_aa9f8324ea394354913af991372ac9b0~mv2.jpg)
Ég fékk þessa plöntu á plöntuskiptadegi Garðyrkjufélags Íslands og fylgdi henni ekkert nafn. Ég var lengi að leita og tel mig hafa fundið rétta nafnið. Þetta er hávaxin planta sem verður mikil um sig á skömmum tíma, svo ef plássið er takmarkað þarf að snyrta hnausinn árlega. Hún þarf stuðning til að blómstilkarnir leggist ekki út af. Hún blómstrar heiðgulum blómum í júlí og ágúst og er vinsæl hjá humlunum. Mjög glæsileg planta á meðan hún stendur í blóma.