Steindepla
![](https://static.wixstatic.com/media/a27d24_f9e281ae629e4beea0f38af429062e2b~mv2.jpg/v1/fill/w_147,h_110,al_c,q_80,usm_0.66_1.00_0.01,blur_2,enc_auto/a27d24_f9e281ae629e4beea0f38af429062e2b~mv2.jpg)
Steindepla er lágvaxin, íslensk tegund sem sómir sér vel í steinhæðum. Hún þarf sólríkan stað og vel framræstan jarðveg til að þrífast vel. Ég hef átt mína í mjög mörg ár og það hefur verið mjög misjafnt á milli ára hversu sátt hún er með lífið. Sum ár blómstrar hún lítið sem ekkert, sum ár blómstrar hún mikið, eins og á myndinni hér að ofan, sem var tekin í sumar. Ég hef ekki hugmynd um hvað veldur, en sumarið í sumar, var greinilega henni að skapi. Hef sjaldan séð hana jafn kröftuga og blómríka.