Nútíma runnarós (Modern Shrub)
![](https://static.wixstatic.com/media/a27d24_993da27b278e435a8a51d8faaa33fa13~mv2.jpg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/a27d24_993da27b278e435a8a51d8faaa33fa13~mv2.jpg)
'Fritz Nobis' er þýsk nútíma runnarós sem var ræktuð af Wilhelm J. H. Kordes II 1940. Hún er afkvæmi terósablendingsins 'Joanna Hill' og eplarósablendingsins 'Magnifica'. Hún er einblómstrandi og blómstrar á eldri greinar svo það þarf að skýla henni til að fá blóm, því henni hættir við kali. Hún þarf því að vaxa á sólríkum, skjólgóðum stað. Blómin eru fyllt, mjög fallega bleik með smá ferskjulitum blæ í miðjunni. Þau fölna með aldrinum, svo það koma mjög falleg blæbrigði í plöntuna á meðan hún stendur í blóma. Ofboðslega falleg rós, en er því miður ekki áreiðanlega harðgerð hér.
![](https://static.wixstatic.com/media/a27d24_666807722e954c098a4cf0cb3e4467dc~mv2.jpg/v1/fill/w_147,h_221,al_c,q_80,usm_0.66_1.00_0.01,blur_2,enc_auto/a27d24_666807722e954c098a4cf0cb3e4467dc~mv2.jpg)