Hverarós
Hverarós er harðgerð runnarós frá Kamsjatka í Rússlandi með einföldum bleikum blómum og grófgerðu laufi sem minnir svolítið á ígulrósir.
Labradorrós
Labradorrós er runnarós sem vex villt í N-Ameríku og er nánast þyrnalaus. Hún blómstrar einföldum, ljós bleikum blómum og skærgrænu, grófgerðu laufi.
- Rosa blanda - labradorrós
Davíðsrós
Davíðsrós vex villt í Mið- og V-Kína og SA-Tíbet í 1600 - 3000 m hæð. Henni svipar mjög til meyjarósar og hjónarósar, en verður ekki alveg eins hávaxin og er öll heldur nettari í vaxtarlagi.
Gullrós
Gullrós er frekar fíngerð runnarós sem vex villt við rætur Kákasusfjalla í Georgíu. Hún blómstrar gullgulum, einföldum blómum og dökkgrænu laufi. Hún þrífst best á sólríkum stað í vel framræstum, sendnum jarðvegi.
Rauðblaðarós
Rauðblaðarós vex villt í fjöllum Mið- og S-Evrópu og norður til Þýskalands og Póllands. Hún blómstrar smáum, einföldum, bleikum blómum og laufið er bláleitt með vínrauðum æðastrengjum.
Hunangsrós
Hunangsrós er mjög hávaxin flækjurós sem vex villt í Kína. Hún getur orðið mjög mikil um sig í hlýrra loftslagi, allt að 6-7 m á hæð og breidd, en er töluvert nettari hér. Blómin eru smá, einföld og kremhvít í nokkuð stórum klösum og laufið er frekar smágert, gljáandi grænt.
-
Rosa helenae - hunangsrós
Kanelrós
Kanelrós er hávaxin runnarós sem vex villt í Evrópu og austur til Síberíu. Hún blómstrar einföldum, bleikum blómum og þroskar ætar nýpur sem mjög ríkar af C-vítamíni.
Meyjarós
Meyjarós er hávaxin runnarós sem vex villt í V-Kína. Blómin eru einföld og geta verið frá bleikum yfir í rautt.
Brúðurós
Brúðurós vex villt í norðausturhluta N-Ameríku. Hún blómstrar einföldum, bleikum blómum og hefur mjög einkennandi, dökkgrænt, glansandi lauf.
-
Rosa nitida - brúðurós
Strandrós
Strandrós vex villt á vesturströnd N-Ameríku. Hún blómstrar einföldum, bleikum blómum.
Fjallarós
Fjallarós er runnarós sem vex villt í fjöllum Mið- og S-Evrópu. Hún blómstrar einföldum, bleikum blómum.
Þyrnirós
Þyrnirós vex villt í Evrópu í sendnum jarðvegi við strendur eða á kalksteini. Blómin eru einföld, hvít og laufið er blágrátt og frekar smágert. Þyrnirós hefur verið mikið notuð í kynbótum og fjölmargir þyrnirósablendingar eru í ræktun sem gerð eru skil undir Antíkrósunum.
-
Rosa pimpinellifolia - þyrnirós
-
var. altaica - hlíðarós
Eplarós
Eplarós er hávaxin runnarós sem vex villt í Evrópu og V-Asíu. Blómin eru einföld, bleik og laufið ilmar af eplum.
-
Rosa rubiginosa - eplarós
Ígulrós
Ígulrós er harðgerð, síblómstrandi runnarós sem blómstrar einföldum, purpurarauðum blómum. Hún vex villt í NA-Kína, Kóreu, Japan og SA-Síberíu þar sem hún vex gjarnan í sandhólum meðfram strandlengjunum. Ígulrós hefur mikið verið notuð í kynbætur og mikill fjöldi ígulrósablendinga er í ræktun, sem gerð eru skil undir Antíkrósum.
Hjónarós
Hjónarós er mjög hávaxin runnarós með einföldum, bleikum blómum sem vex villt í Kína.
Silkirós
Silkirós, Rosa villosa, er harðgerð runnarós með einföldum, bleikum blómum sem vex villt í Evrópu. Hún þroskar stórar, hnöttóttar nýpur sem minna á epli og því er annað heiti á henni Rosa pomifera.
-
Rosa villosa - silkirós (lórós)
Álfarós
Álfarós er fíngerð runnarós með fíngerðu laufi og einföldum blómum í breytilegum bleikum litatónum. Hún vex villt í þurrlendi í 2.300 - 3.150 m hæð í Kína.
Hæðarós
Hæðarós er blendingur af meyjarós sem var ræktaður í Highdown garði í Bretlandi 1928. Hún er stórvaxin eins og meyjarósin, með sterkbleikum blómum með ljósari miðju.
Múmíurós
Múmíurós er ævaforn villirósablendingur af óþekktum uppruna, sem er talin vera fyrsta ræktaða rósin mögulega upprunninn um 100-300. Hún uppgötvaðist þar sem hún óx í nálægð við kirkjur í Eþíópíu og einnig fundust leifar hennar í grafhýsum í Egyptalandi. Hún blómstrar einföldum blómum sem opnast fölbleik, en verða síðar hvít.
Villirós
Rósir af óþekktum uppruna, sem ekki hefur tekist að greina í einhvern ákveðinn flokk.
Glóðarrós
Glóðarrós er runnarós sem blómstrar einföldum, fölgulum blómum. Hún vex villt í Kína og Kóreu.