Sidalcea x hybrida 'Rosaly'
Garðaára
Garðaára er blendingur silkiáru (Sidalcea malviflora) og annarra tegunda. 'Rosaly' er afbrigði sem ég ræktaði af fræi frá Jelitto. Það er ekki alveg fræekta, það er smá breytileiki í blómlit, en þó eru allar plönturnar með blómliti í ljósum bleikum litatónum. Hún virðist ágætlega harðgerð, hún hefur vaxið úti í garði hjá mér síðan 2017 og blómstrað á hverju hausti. Hún byrjar yfirleitt að blómstra um miðjan ágúst og stendur í blóma þar til veturinn gengur í garð. Létt næturfrost hafa engin áhrif á hana. Blómstönglarnir eru nokkuð sterkir, en þó borgar sig að binda hana upp því haustlægðirnar geta barið blómstönglana niður.
10 Views