Fjölærar plöntur

Rósablaðka skartar ferskjulitum blómum sem eru mun stærri en á öðrum tegundum ættkvíslarinnar. Hún er ekki há loftinu, nær ekki 10 cm hæð, en er samt ansi tilkomumikil í blóma. Hún er frekar viðkvæm, hún þolir mjög illa bleytu og er því frekar erfitt að fá hana til að lifa af vetrarumhleypingana hér fyrir sunnan. Mér hefur tekist að fá hana til að blómstra úti í steinhleðslu, en það gefst örugglega best að rækta hana í potti og geyma í skjóli fyrir rigningu yfir vetrartímann.