Delphinium x cultorum 'Magic Fountains' - Riddaraspori
'Magic Fountains' er með fyrstu plöntunum sem ég ræktaði af fræi, það hefur líklegast verið vorið 1997. Ég fékk nokkrar plöntur sem allar voru mismunandi á litinn, ljósfjólublá, ljósblá, kóngablá, antíbleik, blá með fjólubláu og dökkfjólublá. Þetta var í fyrsta garðinum mínum og þeir blómstruðu vel og voru ansi glæsilegur hópur. Því miður var það áður en ég eignaðist stafræna myndavél svo það eru ekki margar myndir til af þeim.
Ég man ekki hvort ég flutti þá alla með mér í næsta garð, en ef svo var lifðu ekki nema þrír, af myndum að dæma. Hversu margir lifðu af seinni flutninginn á eftir að koma í ljós.
80 Views