Anemone blanda 'Blue Shades' - Balkansnotra
Balkansnotra er falleg vorblómstrandi planta sem stendur yfirleitt í blóma mest allan maí mánuð. Hún er sæmilega harðgerð, en verður fallegust í vel framræstri mold sem þornar yfir sumarmánuðina þegar laufið sölnar. Hún fer því vel sem undirgróður undir trjám. Hún getur þó vel vaxið í blómabeðum og steinhæðum. Hún virðist una sér vel í steinabeðinu mínu.
'Blue Shades' hefur lifað hjá mér og blómstrað árvisst í a.m.k. 10 ár. Hún fór heldur hægt af stað fyrstu árin og bætti lítið við sig, en er orðin sæmilega gróskumikil nú. Þetta yrki er lágvaxið miðað við önnur sem ég hef prófað.
60 Views