Jasione laevis 'Blaulicht' - Blákollur
'Blaulicht' er sort af blákolli með bláum blómkollum. Blómin eru e.t.v. blárri en á tegundinni, en það er ekki mikill sjáanlegur munur. Ég ræktaði tegundina fyrir mörgum árum og hún lifði ekki veturinn, en þessi er á sínu öðru sumri og virðist þrífast vel. Það á eftir að koma í ljós hversu langlífur hann verður. Blákollur þarf sólríkan stað og vel framræstan jarðveg, helst í súrari kantinum, en hann virðist vaxa ágætlega í venjulegri, vikurblandaðri moltumold hjá mér.
23 Views