Rosa 'Olkkala'
Gallica rós
'Olkkala' er gallica rós af óþekktum uppruna sem fannst í S-Finnlandi þar sem hún óx í miklu runnaþykkni við yfirgefna járnbrautarteina nálægt Olkkala sveitasetri í Vihti. Genarannsóknir sýna að hún er náskyld skáldarósinni, 'Splendens', en er jafnvel kröftugri en hún. (Heimild: Historic roses in Finland, Pirjo Rautio, By Any Other Name, bls. 15). Hún þroskar rauðar nýpur í Finnlandi og fær fallega gula haustliti, en ég þekki ekki hvernig það er hér á landi, þar sem ég þekki þessa rós ekki af eigin raun. Kristleifur heitinn Guðbjörnsson skrifaði 2009:
"Finnsk Skáldarós. Vex vel, verður sennilega um 2 m á hæð. Ilmar vel, blómstrar í júlí. H.2.Ísl."
5 Views