Rosa villosa 'Hurdal'
Hurdalsrós
Hurdalsrósin er stórvaxin rós af óþekktum uppruna, sem óx í Hurdalnum í Noregi. Hún er talin hafa borist þaðan frá Giessen í S-Þýskalandi. Upphaflega var hún talin vera bjarmarós (alba), en nú er talið líklegra að hún sé blendingur af silkirós (lórós), Rosa villosa. Þessi rós hefur reynst nokkuð harðgerð hér, hún getur náð 2,5 m á hæð og þarf ekki stuðning. Hún þolir skugga hluta úr degi, og vex best í frjóum, lífefnaríkum, vel framræstum jarðvegi sem er hæfilega rakur. Þessi rós óx og dafnaði vel í gamla garðinum mínum. Ég er með rós í þeim nýja líka, hún hefur vaxið vel, en einhverra hluta vegna hafa knúpparnir dottið af áður en þeir ná að springa út, svo blómgunin hefur alltaf farið forgörðum. Ég veit ekki hvað veldur, mig grunar að það hafi eitthvað með jarðveginn að gera þar sem hún vex.