Rosa 'Rhapsody in Blue'
Nútíma runnarós (Modern Shrub)
'Rhapsody in Blue' er nútíma runnarós með hálffylltum, fjólubláum blómum. Hún var ræktuð af Frank R. Cowlishaw í Bretlandi fyrir 1999. Hún er afkvæmi klifurrósarinnar 'Summer Wine' og ónefndrar fræplöntu sem var m.a. komin af 'Blue Moon', 'Violacea' og 'Montezuma'. Hún þarf skjólsælan og sólríkan vaxtarstað og vetrarskýlingu til þess að lifa utandyra og hefur vaxið ágætlega hjá mér í beði upp við húsvegg sem snýr í suð-austur, þar sem er sól mest allan daginn. Ég hef skýlt henni með akrýldúk á veturna og út maí. Veturinn í ár var mjög erfiður og mikið kal í mörgum plöntum og einhverjar rósir dauðar. Það á eftir að koma í ljós hvernig hún kemur undan þessum vetri, en hún er a.m.k. á lífi.
Hvernig hefur ykkur gengið að rækta þessa rós utandyra?