Rósir

Klasarós (Floribunda)

'Escimo Flower Circus' er klasarós ræktuð af Kordes í Þýskalandi 2002. Hún er mjög sérstök í útliti, blómin eru kremhvít með fölgrænni og fölbleikri slikju sem er virkilega flott litasamsetning. Bleiki liturinn er svolítið háður lofthita, svo ef það er mjög svalt verður græna slikjan ríkjandi. Hún er viðkvæm og er best geymd inni í gróðurhúsi. Hún getur tórt úti í beði á besta stað í nokkur ár með vetrarskýlingu, en blómgunin verður ekki mikil.