Rosa x sp. 'Yndisrós'
Yndisrós er upprunnin í Grasagarði Reykjavíkur. Þetta var fræplanta ræktuð af óþekktu fræi. Hún var upphaflega skráð undir tegundaheitið Rosa hypoleuca, en sú rós stemmir ekki við útlitið á Yndisrósinni. Þessi rós er á meðmælalista Yndisgróðurs yfir harðgerðar plöntur fyrir íslenska garða. Samkvæmt upplýsingum á vef Yndisgróðurs er þetta harðgerð rós, sem er harðgerð á vaxtarsvæði A og er metin RHF2 af rósaklúbbi Garðyrkjufélags Íslands. Hún setur mikið af rótarskotum og kelur yfirleitt eitthvað, svo það þarf að snyrta hana nokkuð á vorin. Ég hef ekki persónulega reynslu af þessari rós enn, en ég keypti plöntu í fyrra haust sem á vonandi eftir að vaxa vel og blómstra á næstu árum.
Kristleifur Guðbjörnsson skrifaði 2009:
"Mjög harðgerð rós af óþekktum uppruna. Sprettur mikið og blómstrar mikið á hverju sumri en þarf talverða snyrtingu á hverju vori. Hæð að hausti um 2.m en þarf að klippast niður í 1.5 m að vori. H.1.Ísl."
21 View