Rosa 'Hippolyte'
Gallica rós
'Hippolyte' er afskaplega fögur gallica rós sem ræktuð var af Parmentier í Belgíu fyrir 1842. Hún telst því til antíkrósa. Hún blómstrar frekar smáum, þéttfylltum blómum sem opnast purpurarauð og verða dökk fjólublá með aldrinum. Eins og aðrar gallica rósir, blómstrar hún á greinar frá fyrri árum, svo það ætti bara að klippa burt kal til að fá sem mesta blómgun. Mikið kal getur því komið niður á blómguninni. Henni hættir við kali og því er mikilvægt að hún fái mjög skjólgóðan stað og jafnvel létt vetrarskýli úr striga ef það næðir of mikið um hana. Hún þarf sólríkan stað til að blómstra og vex best í frjóum, lífefnaríkum, vel framræstum, hæfilega rökum jarðvegi.
8 Views