Rosa 'Abraham Darby'
Nútíma runnarós (Modern Shrub - David Austin English Rose)
'Abraham Darby' er stórkostlega falleg rós sem var ræktuð af David Austin í Bretlandi 1985. Hún tilheyrir því undirflokki nútíma runnarósa sem kenndur er við David Austin. Hún er afkvæmi víxlunar terósablendingsins 'Aloha' og floribunda klasarósarinnar 'Yellow Cushion'. Blómin eru stór, þéttfyllt í ferskjubleikum og bleikum litatónum. Þau eru viðkvæm fyrir rigningu og ljókka töluvert ef þau ná á annað borð að springa út. Hún er líka í viðkvæmari kanntinum og þarf virkilega gott skjól á sólríkum stað og gott vetrarskýli.
Hún varð því miður ekki langlíf hjá mér, þrátt fyrir vetrarskýli, lifði aðeins í tvo vetur. Hún er því líklega best geymd í gróðurhúsi, yfirbyggðum svölum eða álíka.
Hafið þið reynslu af þessari rós? Hvernig hefur hún þrifist hjá ykkur?