Rosa rugosa 'F. J. Grootendorst'
Ígulrósarblendingur (Hybrid Rugosa)
'F. J. Grootendorst' er ein af nokkrum Grootendorst rósum, sem eru stundum kallaðar nellikurósir, því krónublöðin eru tennt eins og nellikublóm. Þetta er upphaflega rósin sem varð til með víxlfrjóvgun ígulrósar, Rosa rugosa 'Rubra' og klasarósarinnar (floribunda) 'Madame Norbert Levavasseur'. Hinar þrjár eru sport (stökkbreyting), 'Grootendorst Pink' og 'Grootendorst Supreme' eru sport af þessari og 'Grootendorst White' er sport af þeirri bleiku. Þetta er ákaflega falleg rós, sem blómstrar án afláts frá því hún byrjar í júlí og fram í frost. Hún blómstrar á nývöxt, svo kal skemmir ekki fyrir blómgun, en hún þarf sólríkan, skjólgóðan vaxtarstað til að blómstra vel. Hún kelur yfirleitt eitthvað, stundum mikið. Hún hefur ekki blómstrað síðan ég flutti 2013.