Skrautgrös

Garðahálmgresi

Garðahálmgresi er náttúrulegur blendingur milli tveggja tegunda sem vaxa villtar í Evrópu og Asíu, C. arundinacea and C. epigejos. 'Karl Foerster' er hávaxið afbrigði með grænu laufi og purpurableikum puntstráum sem verða gyllt þegar þau þroskast. Þetta afbrigði er ein vinsælasta skrautgrastegund í heiminum, hefur hlotið RHS Award of Garden Merit og braggastráin alræmdu eru einmitt af þessari sort. Ég hef nú ekkert fylgst með því hvernig þeim líður, en mín planta virðist harðgerð. Hún er enn frekar smá, svo hún þarf nokkur ár í viðbót til að sýna hvað í henni býr. Hún þarf frekar sólríkan stað og frjóan, vel framræstan jarðveg.