Thujopsis dolabrata
Vaxlífviður
Vaxlífviður er eina tegund ættkvíslarinnar Thujopsis. Hann er upprunninn í Japan þar sem hann getur orðið hátt tré, yfir 12 m á hæð. Hér á landi er hann runnkenndur og verður varla mikið meira en meter á hæð, en það á eftir að koma í ljós hvað hann getur orðið hár því hann vex mjög hægt. Hann þrífst ágætlega í góður skjóli. Ég hef átt mína plöntu í rúman áratug og hefur hún vaxið jafnt og þétt og lítið sem ekkert kalið. Mér finnst hann verða fallegri ef hann er ekki í of mikilli sól, þó hann eigi að kunna vel við sig þar. Minn er í skugga mest allan daginn þar sem hann vex núna og hefur aldrei verið fallegri. Hann þolir ekki þurrk en vill heldur ekki standa í bleytu, svo vel framræstur, rakur, frjór jarðvegur er það sem hentar honum best.