Mýrastigi

Acer ginnala

Síberíuhlynur

Hlynsætt

Aceraceae

Hæð

um 3 - 6 m

Blómlitur

gulhvítur

Blómgun

Blómgerð

Aldin

Lauflitur

grænn

Birtuskilyrði

sól - hálfskuggi

Jarðvegur

vel framræstur

pH

súrt - hlutlaust

Harðgerði

hættir við kali

Heimkynni

Rússland, N-Kína

Ættkvíslin Acer, hlynir, er stór ættkvísl tæplega 130 tegunda  sem tilheyrðu áður hlynsætt, Aceraceae en eru nú flokkaðir í sápuberjaætt, Sapindaceae, Ættkvíslin er útbreiddust í Asíu en finnst einnig víðar á norðurhveli jarðar. Eitt einkenni ættkvíslarinnar eru vængjuð fræ sem standa tvö og tvö saman  og flestar tegundir hafa handflipótt eða handsepótt lauf. Ættkvíslin er þekkt fyrir mikla haustlitadýrð.

Fjölgun:


Sáning, sáð að hausti. Fræ þarf mjög langa kaldörvun.

Fræ lagt í bleyti í volgu vatni í 24 klst. og síðan blandað í rakan vikur í rennilásapoka og geymt í ísskáp í 3-4 mánuði. Einnig hægt að sá strax í sáningarbox og geyma úti fram á vor. Síðan haft við stofuhita fram að spírun.

Síberíuhlynur getur verið stórvaxinn runni, eða lítið, margstofna tré með grænu, gljáandi laufi. Hann fær gula og rauða haustliti. Hann er mjög frostþolinn, en þrífst best í meginlandsloftslagi. Honum hættir því við kali hér á landi og þarf frekar skjólgóðan stað. Hann getur vaxið í sól eða hálfskugga og þrífst best í vel framræstum, aðeins súrum jarðvegi.

Áttu mynd eða hefurðu reynslu af þessari plöntu?

Þú getur deilt myndum og reynslusögum hér.