 |
|---|
Acer pseudoplatanus 'Brillantissimum'
Garðahlynur
Hlynsætt
Aceraceae
Hæð
óvíst hér á landi, um 4 m erlendis
Blómlitur
gulgrænn
Blómgun
í júní, eftir laufgun
Blómgerð
Aldin
vængjaðar hnotur
Lauflitur
bleikur - gulgrænn - grænn
Birtuskilyrði
sól - hálfskuggi
Jarðvegur
vel framræstur, frekar rakur
pH
súrt - hlutlaust - basískt
Harðgerði
takmörkuð reynsla, virðist þrífast vel
Heimkynni
garðaafbrigði
Ættkvíslin Acer, hlynir, er stór ættkvísl tæplega 130 tegunda sem tilheyrðu áður hlynsætt, Aceraceae en eru nú flokkaðir í sápuberjaætt, Sapindaceae, Ættkvíslin er útbreiddust í Asíu en finnst einnig víðar á norðurhveli jarðar. Eitt einkenni ættkvíslarinnar eru vængjuð fræ sem standa tvö og tvö saman og flestar tegundir hafa handflipótt eða handsepótt lauf. Ættkvíslin er þekkt fyrir mikla haustlitadýrð.
Fjölgun:
Ágræðsla.
'Brilliantissimum' er sort af garðahlyn sem verður smávaxið tré 4-8 m erlendis, óvíst um stærð hér á landi. Eins og yrkisheitið bendir til er laufið stórkostlega litríkt. Það er bleikt fyrst eftir laufgun, verður svo föl gulgrænt og dökknar með aldrinum og verður grænt með gulhvítum skellum og flekkjum. Ef það nær að skipta í haustliti eru þeir gylltir. Eins og aðrir hlynir þarf þetta afbrigði skjólgóðan stað í sól eða hálfskugga og vel framræstum, jafnrökum jarðvegi. Virðist þrífast furðuvel.