Mýrastigi

Pinus mugo

Fjallafura

Þallarætt

Pinaceae

Hæð

um 1-3 m

Blómlitur

kk gulur-appelsínugulur, kvk fjólublár

Blómgun

maí - júní

Blómgerð

reklar

Aldin

könglar

Lauflitur

grænn

Birtuskilyrði

sól

Jarðvegur

vel framræstur, má vera rýr

pH

súrt - hlutlaust - basískt

Harðgerði

harðgerð

Heimkynni

fjöll í Mið- og Suður-Evrópu

Ættkvíslin Pinus, fura, er stór ættkvísl í þallarætt, Pinaceae, sem telur rúmlega 100 tegundir. Heimkynni þeirra eru dreifð um norðurhvel jarðar. Einkenni ættkvíslarinnar eru langar nálar sem vaxa í knippum, oftast 2-5 nálar í knippi.

Fjölgun:


Sáning, sáð í október-nóvember

Fræ lagt í bleyti í sólarhring og svo blandað rökum vikri í rennilásapoka og geymt í kæli í 30-45 daga. Eftir kaldörvun er fræinu sáð í sáðbox og haft við stofuhita fram að spírun. Kaldörvun er ekki nauðsynleg, en eykur spírunarhlutfall.

Fjallafura er vinsæll sígrænn runni í görðum því hún er harðgerð og nettari í vexti en flestar aðrar furutegundir. Það þarf þó að hafa í huga að hún getur náð 3 m hæð ef henni er ekki haldið í skefjum með klippingu. Það er auðvelt með því að klípa ofan af nývexti á vorin, ca. hálfa leið niður. Þannig verður hún þéttari í vexti og ekki of hávaxin. Hún getur orðið all mikil á breiddina líka, en hægt er að snyrta hana til með klippingu. Hún þrífst best á sólríkum stað, eins og aðrar furutegundir, í vel framræstum jarðvegi, sem má vera nokkuð rýr.

Áttu mynd eða hefurðu reynslu af þessari plöntu?

Þú getur deilt myndum og reynslusögum hér.