Mýrastigi

Taxus baccata 'Summergold'

Ýviður

Ýviðarætt

Taxaceae

Hæð

um 50 - 100 cm

Blómlitur

kk gulbrúnn, kvk grænn

Blómgun

júní

Blómgerð

Aldin

rautt aldin

Lauflitur

dökkgrænn

Birtuskilyrði

sól - skuggi

Jarðvegur

vel framræstur, má vera kalkríkur, jafnrakur

pH

súrt - hlutlaust - basískt

Harðgerði

takmörkuð reynsla

Heimkynni

garðayrki, tegundin vex villt í Evrópu og V-Asíu

Taxus, ýviðir, er lítil ættkvísl í ýviðarætt, Taxaceae. Allar tegundir ættkvíslarinnar eru náskyldar og sumir grasafræðingar vilja skilgreina þær allar sem undirtegundir af ýviði, Taxus baccata. Aðrir skilgreina 9 tegundir. Ýviðir hafa flatar, dökkgrænar nálar sem eru mjúkar viðkomu og þroska köngla sem líkjast opnum rauðum berjum sem umlykja eitt fræ. Þeir eru oftast einkynja (þ.e. plöntur eru annaðhvort kk eða kvk), þó það sé ekki algilt. Allir hlutar eru eitraðir að berjunum undanskildum, þar með talin fræin. Nokkur krabbameinslyf hafa verið þróuð út frá taxane eiturefnunum sem finnast í ýviðartegundum. Viðurinn er sveigjanlegur og var notaður í bogagerð. Ýviðir eru mikið notaðir í formklippingar erlendis. 

Fjölgun:


Sumargræðlingar

'Summergold' er lágvaxið yrki af ývið með breiðan, flatan vöxt. Nývöxturinn er gulgrænn en verður grænn með aldrinum. Það verður um 50 - 100 cm á hæð og 1-2 m í þvermál. Ýviður er hægvaxta og þetta yrki er 20-50 ár að ná fullri stærð erlendis. Það er auðvelt að halda vextinum í skefjum með klippingu. Ýviður er nokkuð skuggþolinn og getur þrifist hvort sem er í sól eða skugga. Hann þrífst best í vel framræstum, jafnrökum jarðvegi, sem má vera kalkríkur, en þarf ekki að vera það.

Áttu mynd eða hefurðu reynslu af þessari plöntu?

Þú getur deilt myndum og reynslusögum hér.