Tsuga heterophylla
Marþöll
Þallarætt
Pinaceae
Hæð
allt að 15 m
Blómlitur
gulur/grænn
Blómgun
apríl
Blómgerð
Aldin
könglar
Lauflitur
grænn
Birtuskilyrði
sól - hálfskuggi
Jarðvegur
vel framræstur, frjór, lífefnaríkur, rakur
pH
súrt - hlutlaust
Harðgerði
þrífst vel í góðu skjóli
Heimkynni
vesturströnd N-Ameríku, frá Alaska suður til Kaliforníu
Ættkvíslin Tsuga, þallir, tilheyrir þallarætt, Pinaceae og telur um 10 tegundir með heimkynni í N-Ameríku og Asíu. Þallir hafa stutt, mjúkt barr og slútandi toppsprota. Þær eru nokkuð skuggþolnar.
Fjölgun:
Síðsumarsgræðlingar, vetrargræðlingar
Sáning, í janúar-febrúar
Fræ lagt í bleyti í 24 klst. og síðan blandað í rakan vikur í rennilásapoka í geymt í ísskáp í 3-4 vikur. Kaldörvun er ekki nauðsynleg, en eykur spírunarhlutfall. Haft við stofuhita fram að spírun.
Marþöll er hávaxið tré sem vex í skóglendi meðfram vesturströnd N-Ameríku. Hún er nokkuð skuggþolin, sérstaklega ungplöntur, sem vaxa best í skógarrjóðrum þar sem nægt skjól er. Hún kann illa við vindnæðing. Jarðvegurinn þarf að vera rakur, frekar súr, lífefnaríkur og vel framræstur. Virðist þrífast ágætlega hér þar sem skjól er fyrir hendi. Barrið er mjúkt og toppsprotarnir slúta, sem gefa henni mjög þokkafullt yfirbragð.