 |
|---|
Viburnum lantana
Lambarunni
Geitblaðsætt
Caprifoliaceae
Height
1 - 4 m
Flower color
hvítur
Flowering
júní-júlí
Flower arrangement
-
The age
-
Leaf color
grágrænn
Lighting conditions
sól - hálfskuggi
Soil
frjór, rakur
pH
súrt - hlutlaust - basískt
Toughness
nokkuð harðgerður
Homecoming
Evrópa
Ættkvíslin Viburnum, úlfarunnar, telur um 150-175 tegundir með útbreiðslu um tempraðabeltið á norðurhveli. Hún var áður flokkuð í geitblaðsætt, Caprifoliaceae en hefur nú verið flutt í ættina Adoxaceae. Blómin eru lítil í klasa, hvít eða bleik. Hjá sumum tegundum er krans af stærri ófrjóum blómum í útjaðri blómaklasans sem þjóna þeim tilgangi að draga að skordýr.
Fjölgun:
Sumargræðlingar, sveiggræðsla.
Sáning:
Fersku fræi er best að sá strax og það þroskast og geyma úti fram á næsta vor.
Þurrkað fræ þarf fyrst að geyma í 2 mánuði við stofuhita og svo a.m.k. 3 m í kulda. Fræ getur verið lengi að spíra, svo það getur þurft að standa úti í tvo vetur áður en það spírar.
Lambarunni er stórvaxinn runni, sem stundum vex eins og lítið tré. Hann getur orðið allt frá 1-2 m upp í rúma 4 metra ef skilyrði eru góð. Ef hann vex sem runni, getur hann orðið nokkuð breiður, allt að 4 m. Hann blómstrar smáum, kremhvítum blómum í sveip. Laufið er grágrænt fyrst eftir laufgun, en verður síðar grænt. Það fær gula og purpurarauða haustliti. Nokkuð harðgerður í þokkalegu skjóli.