Viburnum opulus 'Pohjan Neito'
Úlfarunni
Geitblaðsætt
Caprifoliaceae
Hæð
1,5 - 2 m
Blómlitur
hvítur
Blómgun
júlí
Blómgerð
-
Aldin
-
Lauflitur
grænn
Birtuskilyrði
sól - hálfskuggi
Jarðvegur
vel framræstur, sendinn, frjór, rakur
pH
súrt - hlutlaust - basískt
Harðgerði
þarf frekar skjólgóðan stað
Heimkynni
garðaafbrigði
Ættkvíslin Viburnum, úlfarunnar, telur um 150-175 tegundir með útbreiðslu um tempraðabeltið á norðurhveli. Hún var áður flokkuð í geitblaðsætt, Caprifoliaceae en hefur nú verið flutt í ættina Adoxaceae. Blómin eru lítil í klasa, hvít eða bleik. Hjá sumum tegundum er krans af stærri ófrjóum blómum í útjaðri blómaklasans sem þjóna þeim tilgangi að draga að skordýr.
Fjölgun:
Sumargræðlingar, sveiggræðsla.
'Pohjan Neito' er afbrigði af úlfarunna með kúlulaga skúf af stórum, ófrjóum, hvítum blómum. Hann getur orðið ca. 1,5 - 2 m á hæð. Laufið er grænt og fær gula og rauðgula haustliti. Þarf frekar sólríkan, skjólgóðan stað til að ná að blómstra vel.