'Dr. Eckener'
sh. 'Docteur Eckener'
Ígulrósarblendingar (Hybrid Rugosa)
Uppruni
Vincenz Berger, Þýskalandi, 1928
terósarblendingurinn 'Golden Emblem' × ónefndur blendingur af ígulrós, Rosa rugosa
Hæð
1 m
Blómlitur
ferskjugulur - bleikur
Blómgerð
hálffyllt
Blómgun
lotublómstrandi, júlí - ágúst
Ilmur
sterkur
Aldin
-
Lauflitur
grænn
Birtuskilyrði
sól
Jarðvegur
vel framræstur, lífefnaríkur, hæfilega rakur
pH
súrt - hlutlaust - basískt
Harðgerði
frekar viðkvæm, þarf skjólgóðan, sólríkan vaxtarstað
Ígulrósarblendingar eru harðgerðir, lotublómstrandi runnar með stórum ilmandi blómum og margir þroska stórar, hnöttóttar, gulrauðar nýpur. Ígulrós (Rosa rugosa) vex villt í Japan og öðrum stöðum í Austur-Asíu.
Eldri ígulrósarblendingar komu á markað frá 1890 - 1915, m.a. 'Hansa,' en fáir eftir þann tíma og eru þeir oft flokkaðir með nútímarunnarósum. Ég flokka þá alla saman hér þar sem ígulrósarblendingarnir eru flestir harðgerðari en aðrar nútímarunnarósir.
Erlendir harðgerðiskvarðar:
USDA zone: 5b
Skandínavíski kvarði: H4
Ígulrósarblendingur með hálffylltum, ferskjugulum - bleikum blómum. Þrífst best í sól og vel framræstum jarðvegi. Ætti ekki að klippa mikið niður, best að takmarka snyrtingu við að grisja burt eldri greinar og kal. Kelur töluvert.