'Sarah van Fleet'
Ígulrósarblendingar (Hybrid Rugosa)
Uppruni
Dr. Walter Van Fleet, Bandaríkjunum, 1922
Rosa rugosa x 'My Maryland'
Hæð
um 1,5 m
Blómlitur
ljósbleikur
Blómgerð
fyllt
Blómgun
lotublómstrandi, júlí - september
Ilmur
sterkur
Aldin
-
Lauflitur
grænn
Birtuskilyrði
sól
Jarðvegur
vel framræstur, lífefnaríkur, hæfilega rakur
pH
súrt - hlutlaust - basískt
Harðgerði
takmörkuð reynsla
Ígulrósarblendingar eru harðgerðir, lotublómstrandi runnar með stórum ilmandi blómum og margir þroska stórar, hnöttóttar, gulrauðar nýpur. Ígulrós (Rosa rugosa) vex villt í Japan og öðrum stöðum í Austur-Asíu.
Eldri ígulrósarblendingar komu á markað frá 1890 - 1915, m.a. 'Hansa,' en fáir eftir þann tíma og eru þeir oft flokkaðir með nútímarunnarósum. Ég flokka þá alla saman hér þar sem ígulrósarblendingarnir eru flestir harðgerðari en aðrar nútímarunnarósir.
Erlendir harðgerðiskvarðar:
USDA zone: 6b
Skandinavíski kvarði: H5
Ígulrósarblendingur með fylltum, ljósbleikum blómum. Þrífst best í sól og vel framræstum jarðvegi. Ætti ekki að klippa mikið niður, best að takmarka snyrtingu við að grisja burt eldri greinar.
"Rósa Rugósublendingur. Blómsæl í júlí. Þarf skjólsælan stað, verður fyrir nokkru haustkali. Hæð um 1,5.m. H.3 Ísl. Ilmar mikið"
- Kristleifur Guðbjörnsson, Mosfellsbæ, 2009