Klasarós með hálffylltum blómum sem skipta lit úr gulu yfir í rauðbleikt. Frekar viðkvæm rós sem þarf vetrarskýlingu og besta stað í garðinum, en nýtur sín best í gróðurhúsi.

Fyrsta rósin sem skipti lit og var því mikið notuð til frekari kynblöndunar.  Blómin opnast gul og roðna svo með aldrinum yfir í dökk rauðbleikan.  Hversu dökkur bleiki liturinn verður ræðst af hitastigi  og styrk sólarljóss, það er því mikilvægt að hún vaxi á mjög sólríkum stað.   Blóm verða fölari þegar kemur fram á haust.