Brúðurós
'Metis' er harðgerð runnarós með glansandi grænu laufi og frekar smáum, fylltum, purpurableikum blómum. Þetta er blendingur brúðurósar (Rosa nitida) og ígulrósarinnar 'Thérèse Bugnet', ræktuð í Kanada og markaðssett árið 1967. Hún er öll mjög fíngerð, með grannar, rauðleitar greinar og verður varla meira en 1,5 m á hæð. Hún er nokkuð harðgerð, þó hún þurfi þokkalegt skjól.