Aquilegia fragrans

Ilmvatnsberi

Sóleyjaætt

Ranunculaceae

Hæð

lávaxinn, um 25-30 cm

Blómlitur

tvílitur, hvítur og fölgulur

Blómgun

júní

Lauflitur

grænn

Birtuskilyrði

sól - hálfskuggi

Jarðvegur

vel framræstur, frekar næringarríkur

pH

súrt - hlutlaust - basískt

Harðgerði

harðgerður

Heimkynni

vestarlega í Himalajafjöllum

Ættkvíslin Aquilegia, vatnsberar, tilheyrir sóleyjaætt, Ranunculaceae. Þeir eru einnig nefndir sporasóleyjar og er það nafn dregið af hunangssporum sem krónublöðin mynda. Þetta eru harðgerðar plöntur sem kunna best við sig í heldur rökum jarðvegi og skugga part úr degi. Þó eru til fjallaplöntur í þessari ættkvísl sem kjósa að vera sólarmegin í lífinu og vaxa best í vel framræstum jarðvegi.

Fjölgun:


Sáning - sáð að vori.


Fræ rétt hulið og haft við stofuhita (ca. 20°C) fram að spírun sem getur verið hæg. Eftir spírun þarf lægra hitastig og næga birtu til að plöntur verði ekki of teygðar.

Með fegurri tegundum ættkvíslarinnar. Stór, lútandi blómin minna á hangandi lugtir. Þrífst best í sól eða hálfskugga, í vel framræstum, næringarríkum jarðvegi. Harðgerður.

Áttu mynd eða hefurðu reynslu af þessari plöntu?

Þú getur deilt myndum og reynslusögum hér.

gardaflora@gardaflora.is    I     © 2015-2019  Garðaflóra.

  • Facebook App Icon