 |
|---|
Achillea millefolium 'Summer Berries'
Vallhumall
Körfublómaætt
Asteraceae
Hæð
hávaxinn, um 60 - 70 cm
Blómlitur
bleikur, kremhvítur
Blómgun
ágúst - september
Lauflitur
dökk grænn
Birtuskilyrði
sól
Jarðvegur
vel framræstur, rýr, sendinn
pH
súrt - hlutlaust - basískt
Harðgerði
sæmilega harðgerður
Heimkynni
tegundin vex villt á tempruðum svæðum í Evrópu, Asíu og N-Ameríku
Ættkvíslin Achillea, vallhumlar, tilheyrir körfublómaætt, Asteraceae. Helsta einkenni þeirra eru fínfjaðurskipt, ilmandi laufblöð og mjög smá körfublóm í sveip. Í ættkvíslinni eru um 150 tegundir sem eiga heimkynni í Evrópu, norðanverðri-Asíu og Norður-Ameríku. Fjöldi garðaafbrigða er í ræktun í ýmsum litbrigðum.
Fjölgun:
Skipting að vori
Sáning - sáð að vori
Fræ rétt hulið og haft við stofuhita (ca. 20°C) fram að spírun. Eftir spírun þarf lægra hitastig og næga birtu til að plöntur verði ekki of teygðar.
Nokkuð hávaxið garðaafbrigði af vallhumli í blönduðum bleikum og kremuðum litatónum. Ræktað af fræi frá Thompson & Morgan. Blómstrar ansi seint, yfirleitt um mánaðarmótin ágúst - september. Þarf stuðning til að blómstönglar leggist ekki út af. Þokkalega harðgerður ef frárennsli er nægilega gott.
Áttu mynd eða hefurðu reynslu af þessari plöntu?
Þú getur deilt myndum og reynslusögum hér.