garðplöntur á Íslandi

Aconitum henryi 'Spark's Variety'

​

Hinrikshjálmur

​

Sóleyjaætt

Ranunculaceae

Ættkvíslin Aconitum, bláhjálmar tilheyrir sóleyjaætt, Ranunculaceae og eins og margar ættkvíslir þeirrar ættar eru bláhjálmar eitraðir. Flestir raunar svo eitraðir að á ensku nefnast þeir "wolf's bane" eða úlfabanar og voru vinsæl aðferð hjá kóngafólki fyrri alda til að ryðja keppinautum úr vegi. Bláhjálmar eru harðgerðir og  þola nokkurn skugga, en of mikill skuggi getur þó komið niður á blómgun. Þeir kunna best við sig í frjósömum, heldur rakaheldnum en þó gljúpum jarðvegi enda vaxa flestar tegundir á fjallaengjum á norðurhveli jarðar.

Fjölgun:

Skipting að vori.

Hávaxið garðaafbrigði með fjólubláum blómum. Nokkuð harðgerður, en er viðkvæmur fyrir sveppasjúkdómum. Þrífst best í jafnrökum, frjóum, lífefnaríkum, vel framræstum jarðvegi.

Áttu mynd eða hefurðu reynslu af þessari plöntu?

Þú getur deilt myndum og reynslusögum hér.