Anemone multifida 'Major'
Anemone multifida 'Major'
Anemone multifida 'Major'
Anemone multifida 'Major'
Anemone multifida 'Major'

Anemone multifida 'Major'

Mjólkursnotra

Sóleyjaætt

Ranunculaceae

Hæð

lágvaxin, um 30 cm

Blómlitur

kremhvítur með fjólubláum blæ

Blómgun

júní-júlí

Lauflitur

dökkgrænn

Birtuskilyrði

sól-hálfskuggi

Jarðvegur

næringarrík, vel framræst

pH

súrt - hlutlaust - basískt

Harðgerði

harðgerð

Heimkynni

N-Ameríka

Snotrur, Anemone, tilheyra sóleyjaætt, Ranunculaceae og líkjast mjög sóleyjum. Þær vaxa einkum á norðlægum slóðum og upp til fjalla. Margar blómstra á vorin eða snemmsumars, þó nokkrar, eins og haustsnotra, blómstri síðsumars.

Fjölgun:


Skipting að vori.


Sáning - sáð að vori. Fræ geymist illa svo best er að geyma það í kæli þar til því er sáð.

Fræ rétt hulið og haft við stofuhita (ca. 20°C) fram að spírun. Eftir spírun þarf lægra hitastig og næga birtu til að plöntur verði ekki of teygðar. Ef fræ spírar ekki, getur það þurft kaldörvun í 3-4 vikur, svo aftur stofuhita.


Sáning - sáð að hausti.

Fræ rétt hulið og haft í 2-4 vikur við stofuhita og svo er best að setja sáninguna út fram á vor. Spírar best við 18-20°C, svo best er að taka sáninguna inn þegar fer að hlýna.

Garðaafbrigði sem er hávaxnara og með mun stærri og fallegri blómum en tegundin. Þau eru kremhvít með fjólublárri slikju á neðra borði krónublaðanna. Þrífst best í vel framræstum, næringarríkum jarðvegi í sól eða hálfskugga. Nokkuð harðgerð.

Áttu mynd eða hefurðu reynslu af þessari plöntu?

Þú getur deilt myndum og reynslusögum hér.

  • Facebook App Icon

gardaflora@gardaflora.is    I     © 2015-2020  Garðaflóra.