Anticlea elegans
sh. Zigadenus elegans
Mjallarkirtill
Ferlaufungsætt
Melanthiaceae
Hæð
meðalhár, um 30 - 40 cm
Blómlitur
gulhvítur með grænum blettum
Blómgun
júlí - ágúst
Lauflitur
dökkgrænn
Birtuskilyrði
sól
Jarðvegur
vel framræstur, sendinn, rakur, kalkríkur
pH
hlutlaust - basískt
Harðgerði
virðist nokkuð harðgerður
Heimkynni
vestanverð N-Ameríka
Ættkvíslinni Zigadenus, eiturkirtlum, var fyrir nokkru skipt upp og er nú aðeins ein tegund eftir í þeirri ættkvísl, Z. glaberrimus. Aðrar tegundir þeirrar ættkvíslar og einnig þrjár tegundir ættkvíslarinnar Stenanthium, hafa verið fluttar í ættkvíslina Anticlea. Þetta eru eitraðar laukplöntur með heimkynni í Asíu og N-Ameríku.
Fjölgun:
Laukar að hausti.
Skipting að vori eða hausti.
Sáning - sáð í september - nóvember.
Fræ rétt hulið og haft við stofuhita í 6 vikur og síðan úti fram að spírun. Ef fræ hefur ekki spírað þegar fer að hlýna, getur þurft að taka fræið inn í stofuhita.
Nokkuð harðgerð og sérkennilega falleg planta.
Öll plantan er eitruð og heitir á ensku því óaðlaðandi nafni "mountain death camas". Nafnið er dregið af því að laukarnir líkjast matlaukum og laukum indíánalilju, Camassia, en eru mjög eitraðir og drógu marga landnema í vesturríkjum Bandaríkjanna til dauða þegar þeir voru teknir í misgripum fyrir æta lauka. Laufið er einnig eitrað og getur dregið búfénað til dauða, en það líkist mjög grasi.