Aquilegia glandulosa
Aquilegia glandulosa
Aquilegia glandulosa
Aquilegia glandulosa
Aquilegia glandulosa
Aquilegia glandulosa
Aquilegia glandulosa

Aquilegia glandulosa

Stjörnuvatnsberi

Sóleyjaætt

Ranunculaceae

Hæð

meðalhár, um 50-60 cm

Blómlitur

tvílitur, blár og hvítur

Blómgun

júní

Lauflitur

grænn

Birtuskilyrði

sól - hálfskuggi

Jarðvegur

vel framræstur, frekar frjósamur

pH

súrt - hlutlaust - basískt

Harðgerði

harðgerður

Heimkynni

fjöll í Mið-Asíu

Ættkvíslin Aquilegia, vatnsberar, tilheyrir sóleyjaætt, Ranunculaceae. Þeir eru einnig nefndir sporasóleyjar og er það nafn dregið af hunangssporum sem krónublöðin mynda. Þetta eru harðgerðar plöntur sem kunna best við sig í heldur rökum jarðvegi og skugga part úr degi. Þó eru til fjallaplöntur í þessari ættkvísl sem kjósa að vera sólarmegin í lífinu og vaxa best í vel framræstum jarðvegi.

Fjölgun:


Sáning – fræ spírar hægt og við lágt hitastig, best sáð að hausti eða síðvetrar.

Fræ ekki hulið og sett út fram að spírun. Spírun getur verið hæg, fræ gæti spírað ári síðar og því mikilvægt að henda ekki sáningunni of snemma.

Mjög falleg, meðalhá tegund með stórum, næstum flötum blómum með mjög stuttum, innbognum sporum. Blómin geta verið tvílit blá og hvít eða einlit blá. Hann þarf góð skilyrði til að þrífast vel, sól eða hálfskugga og vel framræstan, næringarríkan jarðveg. Sáir sér ekki.

Áttu mynd eða hefurðu reynslu af þessari plöntu?

Þú getur deilt myndum og reynslusögum hér.

  • Facebook App Icon

gardaflora@gardaflora.is    I     © 2015-2020  Garðaflóra.