Dianthus amurensis 'Siberian Blues'
Kínadrottning
Hjartagrasaætt
Caryophyllaceae
Hæð
lágvaxin, um 15 - 20 cm
Blómlitur
bleiklilla
Blómgun
lok ágúst - september, treg til að blómstra
Lauflitur
grágrænn
Birtuskilyrði
sól
Jarðvegur
vel framræstur, blandaður grófum sandi
pH
hlutlaust - basískt
Harðgerði
viðkvæm fyrir vetrarbleytu
Heimkynni
Síbería
Dianthus, drottningablóm, er stór ættkvísl í hjartagrasaætt, Caryophyllaceae, með um 300 tegundum sem flestar eiga heimkynni við Miðjarðarhafið, norður eftir Evrópu og austur til Asíu. Flestar mynda lága brúska eða breiður og vaxa best í þurrum, grýttum jarðvegi á sólríkum stað og henta því vel í steinhæðir.
Fjölgun:
Sumargræðlingar.
Blómlaus stilkur rifinn frá alveg niður við jörð og stungið í vikurblandaða pottamold. Haldið röku á skýldum stað, ekki í sterkri sól þar til græðlingurinn hefur rótað sig.
Sáning - sáð að vori.
Fræ rétt hulið og haft við stofuhita (ca. 20°C) fram að spírun. Eftir spírun þarf lægra hitastig og næga birtu til að plöntur verði ekki of teygðar.
Sort ræktuð af fræi frá Thompson & Morgan. Þarf sólríkan stað og mjög gott frárennsli. Blómstrar mjög seint, ef hún blómstrar.