Saxifraga oppositifolia
Vetrarblóm
Steinbrjótsætt
Saxifragaceae
Hæð
jarðlægt
Blómlitur
bleikur
Blómgun
apríl - maí
Lauflitur
grænn
Birtuskilyrði
sól
Jarðvegur
grýttur, vel framræstur, rakur
pH
hlutlaust-basískt
Harðgerði
harðgert, en svolítið vandgæft í ræktun
Heimkynni
heimskautasvæði og fjöll á norðurhveli m.a. Ísland
Steinbrjótar, Saxifraga, er stærsta ættkvísl steinbrjótsættar, Saxifragaceae, með um 440 tegundir sem dreifast um nyrðra tempraða beltið. Latneska heitið þýðir bókstaflega steinbrjótur og er talið vísa til vaxtaskilyrða margra tegunda sem vaxa í klettasprungum og grjótskriðum hátt til fjalla. Aðrar tegundir eru heldur stórvaxnari og vaxa á rökum engjum, en flestar tegundir, jafnvel þær sem vaxa í klettum vaxa þar sem raki er í jörðu eða vatn seitlar fram. Nokkrar tegundir vaxa villtar á Íslandi (*).
Fjölgun:
Skipting að vori eða hausti.
Sáning - sáð í september - nóvember.
Fræ hefur stutt geymsluþol og ætti að geymast í kæli þar til því er sáð.
Fræ ekki hulið og haft við stofuhita í 4-6 vikur. Ef fræ spírar ekki á þeim tíma er það haft úti fram að spírun. Spírar best við 5-12°C.
Innlend tegund, algeng um land allt. Vetrarblóm er háfjallaplanta sem blómstrar bleikum blómum þegar snjóa leysir. Það þarf grýttan jarðveg og gott frárennsli og vex best þar sem snjóþekja er yfir veturinn.