Brassica Nagoya F1 'Mix'

Skrautkál
 
Skrautkál er ræktað vegna blaðfegurðar frekar heldur en til matar og er notað til uppfyllingar í blómabeð og ker. Það heldur sér vel frameftir hausti hentar því vel í haustskreytingar í blómaker eftir að sumarblómin eru búin. Blandaðir rauðbleikir og kremhvítir litir.
 
Sáningartími fer eftir ætlaðri notkun, mars-maí. Fræ rétt hulið með þurrum vikri og haft við stofuhita fram að spírun. Spírun eftir 7-14 daga við 21°C.  Uppeldistími um 8-10 vikur. Æskilegt hitastig á uppeldistíma er undir 20°C, svo ef gróðurhús er ekki til staðar er best að sá í maí-júní þannig að hægt sé að setja plöntur fljótlega út. Liturinn kemur fram við hitastig undir 13°C. 
 
15 fræ í pakka