Lathyrus odoratus 'Beaujolais'

Ilmertur
 
Ilmertur eru einærar klifurjurtir sem geta vaxið upp eftir runnum, klifurgrindum eða hverju því sem þær ná að festa sig í. Þær blómstra stórum, oft mikið ilmandi blómum í flestum litum að gulum undanskildum. Geta náð yfir 2 m hæð.
 
'Beaujolais' blómstrar blómum sem eru dökkvínrauð á meðan þau eru að springa út, en verða svo fjólublá með aldrinum.
 
Sáð í mars - apríl. Fræ lagt í bleyti í volgu vatni í 24 klst. áður en því er sáð. Fræ hulið með þurrum vikri og haft við stofuhita fram að spírun. Spírun eftir 2 vikur við 15-18°C.  Best er að sá 5-6 fræjum í sáningarbox og dreifplanta svo í heilu lagi í 2 l pott til að rækta áfram. Ilmertur þola illa forræktun við stofuhita, best er að hitastigið sé undir 15°C.
 
10 fræ í pakka