Túlipani 'La Paz' (5 stk)
Túlipani (Single Late)
'La Paz' er einfaldur, síðblómstrandi túlipani sem blómstrar fjólubláum blómum með bronslitu skini.
5 stk. í pakka.
Áætlað verð er 530 kr. Hægt er að forpanta með því að greiða staðfestingargjald, 350 kr. Reikningur fyrir eftirstöðvum verður svo sendur út fyrir afhendingu í september.
Ræktunarleiðbeiningar
Túlipanar blómstra yfirleitt bara vel fyrsta vorið eftir að þeir eru gróðursettir. Þó eru nokkrar undantekningar þar á, en það eru helst Darwin-blendingar (Darwin Hybrids) og nokkrar villitúlipana-tegundir sem eru fjölærar hér. Þeir þrífast best í frjóum, vel framræstum jarðvegi í sól eða skugga part úr degi og hávaxnari sortir þurfa sæmilega gott skjól til að blómstilkarnir brotni ekki í roki. Hæfileg gróðursetningardýpt er þreföld hæð lauksins, þ.e. moldarlagið yfir lauknum samsvarar tvöfaldri hæð hans.