Allium aflatunense
Höfuðlaukur
Laukætt
Alliaceae
Hæð
hávaxin, um 80-150 cm
Blómlitur
purpuralitaður
Blómgun
júní
Lauflitur
grænn
Birtuskilyrði
sól
Jarðvegur
vel framræstur
pH
súrt - hlutlaust - basískt
Harðgerði
þrífst ágætlega á skýldum stað
Heimkynni
Kasakstan og Kyrgistan í Mið-Asíu
Ættkvíslin Allium, laukar, tilheyrir laukætt, Alliaceae. Hún inniheldur ekki bara matlaukana sem við þekkjum, heldur einnig nokkrar fallegar garðplöntur. Þetta er afar stór ættkvísl sem inniheldur hátt í 1000 tegundir sem flestar eiga heimkynni í tempraða beltinu á norðurhveli jarðar.
Fjölgun:
Laukar settir niður að hausti.
Skipting að vori. Hnaus stunginn varlega upp og laukar losaðir í sundur. Það er mikilvægt að passa að stinga ekki í laukana.
Sáning - þarf kaldörvun, best sáð að hausti.
Fræ rétt hulið og haft í 2-4 vikur við stofuhita og svo er best að setja sáninguna út fram að spírun. Spírun getur verið hæg, fræ gæti spírað ári síðar og því mikilvægt að henda ekki sáningunni of snemma. Spírar best við 5-12°C
Hávaxin laukplanta með hvelfdum kollum af purpuralitum, stjörnulaga blómum. Hann þrífst best í sól í vel framræstum jarðvegi og getur við þær aðstæður lifað í mörg ár.