Silene asterias
Stjörnuholurt
Hjartagrasaætt
Caryophyllaceae
Hæð
hávaxin, um 60 - 70 cm
Blómlitur
rauðbleikur
Blómgun
júlí - ágúst
Lauflitur
grænn
Birtuskilyrði
sól - hálfskuggi
Jarðvegur
vel framræstur, rakur, lífefnaríkur
pH
súrt - hlutlaust - basískt
Harðgerði
harðgerð
Heimkynni
Fjöll í Búlgaríu
Hjartagrös, Silene, er stærsta ættkvísl hjartagrasaættar, Caryophyllaceae, með útbreiðslu um allan heim, með mestan tegundafjölda á norðurhveli. Hjartagrös vilja vera sólarmegin í lífinu, margar lágvaxnar tegundir eru úrvals steinhæðaplöntur. Ein tegund, lambagras, vex villt á Íslandi.
Fjölgun:
Skipting að vori eða hausti.
Sáning - sáð í september - nóvember.
Fræ ekki hulið og haft úti fram á vor. Ef fræ spírar ekki við hitastig úti er það fært inn í stofuhita eða gróðurhús.
Hávaxin planta með kúlulaga klösum af rauðbleikum blómum. Þarf yfirleitt ekki stuðning.