Rauðar rósir

'Champlain' er nútíma runnarós úr kanadísku Explorer-seríunni. Hún blómstrar fylltum, rauðum blómum.

'Cuthbert Grant' er nútíma runnarós úr kanadísku Parkland-seríunni. Hún blómstrar fylltum, dumbrauðum blómum.

'Duftwolke' er terósablendingur með fylltum, kóralrauðum blómum.

'Europeana' er klasarós með klösum af hálffylltum, dökkrauðum blómum.

'Flammentanz' er nútíma klifurrós með fylltum, rauðbleikum blómum.

'Hansaland' er ígulrósarblendingur með fylltum, rauðum blómum.

'Isabelle Renaissance' er nútíma runnarós með fylltum, flauelsrauðum blómum.

'Korona' er klasarós með klösum af fylltum, skærrauðum blómum.

'Linda Campbell' er nútíma runnarós með klösum af frekar smáum, fylltum, rauðbleikum blómum.

'Morden Fireglow' er nútíma runnarós úr kanadísku Parkland-seríunni. Hún blómstrar fylltum, appelsínurauðum blómum.

'Morsdag' er polyantha klasarós með klösum af smáum, fylltum, rauðum blómum.

'Osiria' er terósablendingur með fylltum, tvílitum, rauðum og hvítum blómum.

'Piccadilly' er terósablendingur með fylltum, tvílitum blómum. Krónublöðin eru rauð á efra borði og gul á því neðra.

'Quadra' er nútíma runnarós úr kanadísku Explorer-seríunni. Hún blómstrar fylltum, rauðum blómum.

'Red Nelly' eða 'Single Cherry' er þyrnirósarblendingur með einföldum, rauðbleikum blómum.

'Robusta' er ígulrósarblendingur með einföldum, rauðum blómum.

'Winnipeg Parks' er nútíma runnarós úr kanadísku Parkland-seríunni. Hún blómstrar fylltum, rauðbleikum blómum.

Meyjarós er stórvaxin runnarós með einföldum, bleikum eða rauðum blómum.